23 fevral 2014 20:00
Vaqif Sadıqov: Rəqibin üstün keyfiyyətlərini bilirdik
AZAL-ın baş məşqçisi Vaqif Sadıqov TPL-in 23-cü turu çərçivəsində keçirilmiş AZAL - “Xəzər Lənkəran” oyunu (2:2) haqda fikirlərini bildirib. Azerisport.az xəbər verir ki, Sadıqov bunları söyləyib:
“Hər iki komandaya qələbə vacib idi. Komandaların turnir cədvəlində tutduğu mövqelər bir-birinə yaxındır. Qalib gəlib irəliləmək istəyirdik. Rəqibin üstün keyfiyyətlərini bilirdik. Oyunun sonunadək yaratdığımız qol imkanlarından istifadə edə bilmədik. Rəqib əlinə düşən imkanlardan maksimum istifadə etdi. Rəqibin kimliyindən asılı olmayaraq, komanda sona kimi mübarizə aparır. Qələbəyə layiq heç-heçə idi, sona kimi oynamalıyıq. Güclü AZAL komandasını formalaşdırırıq. Ardıcıl məğlubiyyət komandada psixoloji sıxıntı yaradır. Uğursuz oyunlar seriyasını qırdığımızı düşünürəm”.
(PFL)
