21 fevral 2014 00:22
Böyükağa Hacıyev: Sumqayıtla matçda asan qələbə olmayacaq
"Neftçi"nin baş məşqçisi Böyükağa Hacıyev azerisport.az saytına açıqlamasında Topaz Premyer Liqasında “Sumqayıt”a qarşı oyun haqda danışıb:
"Rəqib yaxşı komandadır. Taktiki cəhətdən yaxşı hazırlaşırlar. Son görüşdə məğlub olmaları bizi aldatmamalıdır. Onlar bizə qarşı ikiqat əzmkar oynayacaqlar. “Neftçi” son turlar yaxşı oynasa da, xal itirir. Ona görə də daha xal itirmək olmaz. Meydana yalnız qələbə üçün çıxacağıq. Başqa nəticə bizi razı salmayacaq. Əminəm ki, qələbə bizə asan başa gəlməyəcək. “Sumqayıt” sona qədər yarışacaq".
