14 fevral 2014 12:00
"Çempionat indi başlasaydı, Xəzər Lənkəran çempionluğa əsas namizədlərdən sayılardı"
“Rəvan”ın baş məşqçisi Güvənc Kurtar hesab edir ki, “Xəzər Lənkəran” çempionluğa əsas namizədlərdən ola bilərdi. Kurtar azerisport.az saytına bunları söyləyib:
“Xəzər Lənkəran” çox dəyişib. Fasilədən sonrakı ilk oyunda “Qarabağ”a qalib gəldi. Ardınca “Neftçi” ilə heç-heçə oynadı. Mustafa Dənizli komandanı yavaş-yavaş dəyişir. Onun işi görünür. Getdikcə komanda daha yaxşı oyun sərgiləyəcək. Əgər çempionat indi başlasaydı, “Xəzər Lənkəran” çempionluğa əsas namizədlərdən sayılardı. Bu komanda tam başqa futbol oynayacaqdı”.
