13 fevral 2014 18:00
UEFA üçün ideal variant
Bir qədər əvvəl Rumıniya futbol federasiyasının saytında UEFA-nın AÇ-2016-nın təsnifat mərhələsinin püşkatması zamanı bir neçə amili əsas götürəcəyi barədə məlumat əksini tapıb. Azerisport.az xəbər verir ki, bir sıra ölkələr arasında siyasi münasibətlərlə yanaşı (Azərbaycan və Ermənistan, İspaniya və Cəbəllütariq, Rusiya və Gürcüstan bir qrupda yer ala bilməz) növbəti amillərə də diqqət yetiriləcək:
Riskli iqlimi olan stadionlar
Bu qrupa soyuq iqlimi olan ölkələr daxildir. Soyuq qış ölkələrinin yığmaları noyabr və mart aylarında keçirəcəyi qarşılaşmaları səfərdə keçirəcəklər. Hər qrupda qışı soyuq keçən ölkələrdən üç yığma olacaq. Bu ölkələr iki kateqoriyaya bölünüb: çox soyuq qışın müşahidə edildiyi ölkələr (Finlandiya, Farer adaları, Norveç və Rusiya) və soyuq qış müşahidə edilən ölkələr (Andorra, Belarus, Estoniya, Litva, Latviya, İsveç və Ukrayna);
Bu qrupa soyuq iqlimi olan ölkələr daxildir. Soyuq qış ölkələrinin yığmaları noyabr və mart aylarında keçirəcəyi qarşılaşmaları səfərdə keçirəcəklər. Hər qrupda qışı soyuq keçən ölkələrdən üç yığma olacaq. Bu ölkələr iki kateqoriyaya bölünüb: çox soyuq qışın müşahidə edildiyi ölkələr (Finlandiya, Farer adaları, Norveç və Rusiya) və soyuq qış müşahidə edilən ölkələr (Andorra, Belarus, Estoniya, Litva, Latviya, İsveç və Ukrayna);
Nəqliyyat
Təsnifat mərhələsi zamanı çoxsaylı uzunmüddətli uçuşların qarşısını almaq üçün UEFA üç kateqoriya tətbiq edib: Uzunmüddətli uçuşlar (paytaxtlar arasında 8 saatdan çox vaxt alan uçuşlar), qeyri-uzunmüddətli uçuşlar (6-8 saat), qısa müddətli uçuşlar (6 saatdan az). Hər qrupda paytaxtları arasında məsafə əks istiqamət də daxil olmaqla, səkkiz saatdan çox uçuş vaxtı çəkən ən çoxu üç ölkənin komandası olacaq.
Təsnifat mərhələsi zamanı çoxsaylı uzunmüddətli uçuşların qarşısını almaq üçün UEFA üç kateqoriya tətbiq edib: Uzunmüddətli uçuşlar (paytaxtlar arasında 8 saatdan çox vaxt alan uçuşlar), qeyri-uzunmüddətli uçuşlar (6-8 saat), qısa müddətli uçuşlar (6 saatdan az). Hər qrupda paytaxtları arasında məsafə əks istiqamət də daxil olmaqla, səkkiz saatdan çox uçuş vaxtı çəkən ən çoxu üç ölkənin komandası olacaq.
Yayım hüququ
İngiltərə, İspaniya, Almaniya, İtaliya və Niderland televiziya hüquqlarının təqsimi ilə əlaqədar olaraq, “A” qrupunda yer ala bilməz. Burada Fransa komandası müsabiqədənkənar yer alıb.
İngiltərə, İspaniya, Almaniya, İtaliya və Niderland televiziya hüquqlarının təqsimi ilə əlaqədar olaraq, “A” qrupunda yer ala bilməz. Burada Fransa komandası müsabiqədənkənar yer alıb.
Bu amilləri nəzərə alaraq, Internetdə UEFA üçün AÇ-2016-nın təsnifat mərhələsinin püşkatmasının nəzəri, nisbətən əlverişli nəticələri peyda olub.
Nəticələrə əsasən, Azərbaycan yığması “C” qrupunda Rusiya, Ukrayna, Türkiyə, Belarus və San-Marino yığmaları ilə bir qrupda yer alıb.
Digər qrupların tərkibi isə belədir:
A Qrupu: Bosniya və Herseqovina, Belçika, Norveç, Uels, Şimali İrlandiya, Fransa (müsabiqədənkənar);
B Qrupu: Yunanıstan, Xorvatiya, İsrail, Bolqarıstan, Kipr, Malta;
D Qrupu: Almaniya, Macarıstan, Rumıniya, Ermənistan, Gürcüstan, Qazaxıstan;
E Qrupu: İngiltərə, İrlandiya, Avstriya, Şotlandiya, İslandiya, Farer adaları;
F Qrupu: Portuqaliya, İsveçrə, Sloveniya, Çernoqoriya, Albaniya, Cəbəllütariq;
G Qrupu: İspaniya, Çexiya, Slovakiya, Latviya, Makedoniya, Andorra;
H Qrupu: İtaliya, Danimarka, Serbiya, Estoniya, Moldova, Lixtenşteyn;
I Qrupu: Hollandiya, İsveç, Polşa, Finlandiya, Litva, Lüksemburq.
Xatırladaq ki, AÇ-2016-nın təsnifat mərhələsinin püşkatma mərasimi fevralın 23-də Fransanın Nis şəhərində keçiriləcək.
