12 fevral 2014 19:44
Vaqif Sadıqov: Qurbanov və Dənizlinin AFFA İcraiyyə komitəsinə daxil olması haqda təklif səslənib
AZAL-ın baş məşqçisi Vaqif Sadıqov azerisport.az saytına açıqlamasında millinin baş məşqçisi Berti Foqts, AFFA baş katibi Elxan Məmmədov və PFL rəhbəri Ramin Musayevlə bu gün keçirilmiş görüşdə müzakirə olunmuş məsələlər haqda danışıb:
“Ən çox legionerlərə limit haqda danışılıb. Ancaq hələlik biz yekdil rəyə gəlməmişik. Ancaq qərara gəldik ki, AFFA İcraiyyə komitəsinin martı 7-də keçiriləcək iclasına qədər biz yenidən görüşməliyik. Bu görüşdə bizə vahid konsepsiyaya gəlmək lazım olacaq. İki məşqçinin İcraiyyə komitəsinə qəbul etmək barədə maraqlı təkliflər də səslənib. Onlar burada bizim fikirlərimizi lazımı qaydada çatdırmalıdır. Məşqçilər təklif etdilər ki, onları yerli mütəxəssis Qurban Qurbanov və hörmətli məşqçi Mustafa Dənizli təmsil etsin. Onlar bizim adımızdan biz məşqçilərin gördüyü konsepsiyanı təqdim edəcəklər”.
