12 fevral 2014 14:18
Sadio Tounkara: Daha güclü çempionatda oynamaq istəyirəm
"Xəzər Lənkəran"ın yarımmüdafiəçisi Sadio Tounkara cənub klubuna keçidindən, çempionatımızın səviyyəsindən, eləcə də Fransa klublarının ona olan marağından danışıb. Azerisport.az sizi həmin fikirlərlə tanış edir.
"Mən futbol oynamağa Malidə başlamışam. 12-15 yaşlılardan ibarət komandalarda top qovduqdan sonra ikinci divizion klubuna keçdim. Bu minvalla sonradan birinci divizionda da təxminən iki mövsüm çıxış etdim. İkinci mövsümün başa çatmasına az qalmış məni "Xəzər Lənkəran"ın məşqçiləri tapdı. Dəvət etdilər, gəldim. O vaxtdan buradayam".
Azərbaycan Premyer Liqasından danışarkən malili futbolçu bunları qeyd edib: "Azərbaycan çempionatını Avropanın orta səviyyəli çempionatlarından biri hesab edirəm. Mən məhz bu komanda ilə avrokuboklarda çıxış etmək şansı qazandım. Polşa "Lex"inə, İsrail klublarına qarşı mübarizə aparmaq şansımız olub. Bu, çox faydalı təcrübə idi".
22 yaşlı oyunçu daha güclü çempionatlarda oynamaq arzusunu gizlətməyib: "Mən daha güclü çempionatda oynamaq istəyirəm. Məsələn, Fransa və ya İspaniyada oynamaq istərdim ki, futbolçu kimi daha da inkişaf edim. Əlbəttə, Fransa çempionatında da oynamaq istəyirəm".
"Foot Mercato"nun yaydığı xəbərə görə, Tounkara ilə "Loryan", "Nitsa" və "Troya" klubları maraqlanır. Lakin futbolçu özü bu xəbərləri təsdiqləməyib: "Mən bunlardan xəbərsizəm. Yaxşı texnikam və sürətim var. Daha çox sağ cinahda oynamağı xoşlayıram. Amma 10 nömrə kimi də çıxış edə bilərəm".
"Mən futbol oynamağa Malidə başlamışam. 12-15 yaşlılardan ibarət komandalarda top qovduqdan sonra ikinci divizion klubuna keçdim. Bu minvalla sonradan birinci divizionda da təxminən iki mövsüm çıxış etdim. İkinci mövsümün başa çatmasına az qalmış məni "Xəzər Lənkəran"ın məşqçiləri tapdı. Dəvət etdilər, gəldim. O vaxtdan buradayam".
Azərbaycan Premyer Liqasından danışarkən malili futbolçu bunları qeyd edib: "Azərbaycan çempionatını Avropanın orta səviyyəli çempionatlarından biri hesab edirəm. Mən məhz bu komanda ilə avrokuboklarda çıxış etmək şansı qazandım. Polşa "Lex"inə, İsrail klublarına qarşı mübarizə aparmaq şansımız olub. Bu, çox faydalı təcrübə idi".
22 yaşlı oyunçu daha güclü çempionatlarda oynamaq arzusunu gizlətməyib: "Mən daha güclü çempionatda oynamaq istəyirəm. Məsələn, Fransa və ya İspaniyada oynamaq istərdim ki, futbolçu kimi daha da inkişaf edim. Əlbəttə, Fransa çempionatında da oynamaq istəyirəm".
"Foot Mercato"nun yaydığı xəbərə görə, Tounkara ilə "Loryan", "Nitsa" və "Troya" klubları maraqlanır. Lakin futbolçu özü bu xəbərləri təsdiqləməyib: "Mən bunlardan xəbərsizəm. Yaxşı texnikam və sürətim var. Daha çox sağ cinahda oynamağı xoşlayıram. Amma 10 nömrə kimi də çıxış edə bilərəm".
