9 fevral 2014 11:44
Tahir Süleymanov: Bu vandalizmə görə Neftçi bu gün Lənkəranda oynamaya bilər
“Neftçi”nin vitse-prezidenti Tahir Süleymanov azerisport.az saytına açıqlamasında bu gecə Lənkəranda klub avtobusuna edilmiş hücumla bağlı fikrini bildirib:
“Klub avtobusunun şüşələrini sındırmış və “Neftçi” - “Xəzər Lənkəran” loqosunda yazılmış ifadəyə yol vermiş fanatların hərəkətinə nə ad vermək olar? Bu, gecə saatlarında mühafizə edilən oteldə baş verib. Bütün bunların yalnız bir cavabı var: vandalizm. Əgər bunlar oyun ərəfəsində baş verirsə, oyunçuları oyuna necə kökləmək olar? Biz PFL və Lənkəran polisi ilə əlaqə saxlamışıq. Bizə Azərbaycan futbolunun simasına ləkə gətirən belə mənfi hərəkətlər lazım deyil. Hər iki komandada müxtəlif ölkələrin legionerləri var. Onlar bütün bunları görür. Hazırda biz Bakıya qayıtmağa yaxınıq. “Nefti” Lənkərana futbol oynamağa gəlib. Ancaq bu vandallığa görə görüşü keçirməkdən imtina edə bilər”.
