7 fevral 2014 18:18
Cihan Özkara: Təəssüf ki, vurduğum qol qələbə gətirmədi
Millimizin hücumçusu Cihan Özkara azerisport.az saytına açıqlamasında Türkiyə kuboku çərçivəsində keçirilmiş “Sivasspor” - “Bursaspor” oyunu (1:2) barədə fikirlərini bildirib:
“Bu oyun yarışın növbəti mərhələsinə keçmək üçün son şansımız idi. Buna rəğmən, istifadə edə bilmədik. İkinci hissdə hesabı bərabərləşdirə bildim. Qələbə şansımız yarandı. Ancaq oyunun sonuna beş dəqiqə qalmış ikinci qolu buraxdıq. İlk hissədə iki imkanım vardı. İkinci hissədə də qapıya zərbə vurmağa çalışırdım. Yeri gəlmişkən, öz qolumu cərimə meydanı xarıcındən vurdum. Düşünürəm ki, pis alınmadı. Təəssüf ki, qolum qələbə gətirmədi. İndi çempionata köklənirik. Dördüncü yerdə gedirik və medallar uğrunda tamamilə mübarizə apara bilərik”.
