Ağasəlim Mircavadov: Azarkeşlər həmişə Böyük oyunun gedişinə təsir ediblər

“Xəzər Lənkəran”ın sabiq baş məşqçisi Ağasəlim Mircavadov azerisport.az saytına müsahibəsində TPL-in 20-ci turu çərçivəsində Lənkəranda baş tutacaq “Böyük oyun”dan danışıb:

“Mən bu oyunda favorit görmürəm”, deyə mütəxəssis etiraf edib.

“Hər iki komanda ancaq qələbəyə oynayacaq. Düşünürəm ki, biz kifayət qədər sərt futbolun şahidi olacağıq”, deyə Mircavadov söhbətə başlayıb.

Mircavadov 2004-2005-ci illərdə “Neftçi”ni, 2006-2008-ci və 2009-2010-cu illərdə “Xəzər Lənkəran”ı çalışdırıb. Təcrübəli mütəxəssis hər iki komanda ilə ölkə çempionluğunu və “Birlik Kuboku”nu qazanıb. Həmçinin, müvafiq olaraq “Flaqman”ın və “gəmiqayıranlar”ın baş sükanı arxasında “Böyük oyun”un iştirakçısı olub:

“Lənkərandakı oyunlar “Neftçi” üçün həmişə ağır keçib. Bu, komandaların yarış cədvəlindəki mövqeyindən asılı və qarşısına qoyduğu məqsədlərdən olmayıb. Böyük rolu azarkeşlər oynayıb. Onlar həmişə “Böyük oyun”un gedişinə təsir ediblər”, deyə Mircavadov hesab edir.

66 yaşı mütəxəssisin fikrincə, bu oyunun nəticəsi çətin ki çempionluq qovhaqovunda əksini tapsın:

“Hazırda “Neftçi” çempionluq uğrunda mübarizə aparır. “Xəzər Lənkəran”ın məqsədi isə liderləri haxlamaqdır. Onlar çox xal itiriblər. Düşünmürəm ki, bu oyunun nəticəsi medalların müəyyən olunmasında əsas rol oynayacaq. Əvvəl-axır, qarşıda hələ çox tur var və həmişə toparlanmaq imkanı qalır. Ancaq digər tərəfdən, “Böyük oyun”un nəticəsi əhvala sözsüz, təsir edəcək”, deyə Mircavadov bildirib.

Mircavadovun fikrincə, son turda “Xəzər Lənkəran”ın “Qarabağ” üzərində qələbəsi heç bir əhəmiyyət kəsb etmir:

“O qələbə “Xəzər Lənkəran” üçün çox şey deməkdir. Ancaq “Neftçi” ilə görüşlər həmişə ayrı tarixçədir. Həmçinin, əgər lənkəranlılar “Qarabağ”ı məğlub ediblərsə, bu, o demək deyil ki, onlar “Neftçi”yə də qalib gələcəklər”, deyə təcrübəli mütəxəssis fikrini tamamlayıb.

Xatırladaq ki, “Böyük oyun” fevralın 9-da Lənkəran Şəhər stadionunda baş tutacaq.