Mircavadov: Xəzər Lənkəran Qarabağı məğlub edib, bu o demək deyil ki, Neftçini məğlub edəcək

"Xəzər-Lənkəran"ın baş məşqçisi Ağasəlim Mircavadov azerisport.az saytına açıqlamasında bazar günü keçiriləcək "Xəzər-Lənkəran" - "Neftçi" görüşündən danışıb:

"Bu oyunda favorit yoxdur. Hər iki komanda qələbəyə oynayacaq. Sərt futbol olacaq. Çünki, azarkeşlərin tələbi qələbədir. Futbolçular sərt mübarizə göstərməyə məcburdur. İtirilən 3 xal qızıla bərabərdir. Demək olmaz ki, çempionluq bu oyundan asılıdır. Xeyr, sadəcə ortada böyük oyun var. İndiki məqamda konkret favorit yoxdur. Azarkeş amili vacibdir. Fanatlar “Xəzər Lənkəran”ı qələbəyə səsləyəcək. Buna görə “Neftçi” üçün çətin səfər gözlənilir. Cənublular “Qarabağ”ı məğlub edib, bu o demək deyil ki, “Neftçin”i məğlub edəcək. Görüş 0:0-dan başlayır".