Georgios Pelagias: O üç ay dəhşətli idi

“Bakı”nın müdafiəçsi Georgios Pelagias TPL-in 19-cu turu çərçivəsində keçirilmiş oyunda “Rəvan” üzərində qələbədən (5:1) və zədəsindən danışıb:

- “Rəvan”la oyunda siz meydana ilk dəqiqələrdən çıxdınız. Ancaq əvvəlki oyunlarda sizi tez-tez görmürdük.

- Bir müddət ciddi zədəm vardı. O üç ay mənim üçün dəhşətli idi. İndi mən yenə sağlamam. İdman formamı yığıram. Görününr, buna görə də məşqçi mənə əsas heyətdə yer etibar etdi.

- Düşünürsünüz ki, “Bakı” medallar və ya avrokuboklar uğrunda mübarizəyə qoşula bilər?
- Bu il çempionatda bir oyun keçirib bu haqda nə isə demək çətindir. Yalnız onu deyə bilərəm ki, oyundan-oyuna qələbələrə can atacağıq. Hələlik, uzağa baxmaq lazım deyil. İndi əsas, qarşıdakı oyundur. Və yalnız. Əgər hər oyunda qələbə qazansaq, məqsədimizə nail olacağıq.

- Sözarası, növbəti oyunda sizi son turda “Neftçi”yə böyük hesabla məğlub olmuş “Simurq”la oyun gözləyir.
- Bilirəm ki, bu, hamının ona qarşı oynaması çətin olan yaxşı komandadır. Ancaq biz meydana yalnız üç xal üçün çıxacağıq.

- “Rəvan”la oyunu necə qiymətləndirirsiniz?

- Oyunda ilk qol bizə artıq həyəcan yükünü bir qədər atmağa kömək oldu. Bundan sonra oynamaq xeyli asanlaşdı.

- Dörd top fərqi ilə qələbə qazanacağınızı gözləyirdiniz?
- Düşünürəm ki, biz sadəcə olaraq hazırlıq dövrünü yaxşı keçirdik. Biz hiss edirik ki, yaxşı komandamız var. Belə olan halda rəqibi niyə də böyük hesabla məğlub etməyək? “Rəvan” müdafiədən oynamağa çalışırdı və bu, bəzən onlarda hətta yaxşı alınırdı.