Əli Gökdəmir: Mən Azərbaycan yığmasının oyunçusuyam və mənə daimi olaraq oynamaq lazımdır
Milimizin və “Elazığspor”un yeni müdafiəçisi Əli Gökdəmir yeni kluba icarə əsasında keçidi haqda danışıb. Azerisport.az Gökdəmirin müsahibəsini diqqətinizə çatdırır:
- “Hannover”in sükanı arxasına Tayfun Korkut gələndən sonra, sizin birinci komandada oynamaq şansınızın olacağı düşünülürdü. Ancaq türk mütəxəssisin gəlişindən sonra siz ikinci komandaya göndərildiniz.
- Mirko Slomikadan Korkuta 12 müdafiəçi qalmışdı. Bu, demək olar ki, komandanın yarısıdır. Belə bir vəziyyətdə daha təcrübəli rəqiblərin rəqabətində birinci komandaya düşmək mənə çətin idi.
- Demək, buna görə getmək qərarına gəldiniz?
- Mən məşqçi ilə danışdım və o, mənə dedi ki, yarım il başqa komandada oynamaq ən yaxşı variant olar. O, həmçinin, mənə bildirdi ki, mən Azərbaycan yığmasının oyunçusuyam və mənə daimi olaraq oynamaq lazımdır.
- Nə üçün “Elazığspor”?
- Bu, “Hannover”in ikinci komandasında dördüncü liqada oynamaqdan yaxşıdır. Həmçinin, mən müvəqqəti də olsa, Superliqa klubuna keçmişəm. Komandanı məşhur Okan Buruk çalışdırır. Belə bir futbol mütəxəssisinin rəhbərliyi altında çalışacağıma şadam. Baxmayaraq ki, lazımı pillədə qərarlaşmayıb (Superliqanın 19 turundan sonra 16-cı pillə - qeyd), pis komanda deyil.
- Burada yenidən oynaya bilərsiniz?
- Tayfun Korkut mənə dedi ki, burada əsas heyətdə oynamağım asan olacaq. “Elazığspor”da bir qədər oynayandan sonra, yenidən “Hannover”in birinci komandasına dönməyə çalışacağam. Bununla belə, mövsümün sonunda müdafiəçilərin yarısı komandanı tərk edəcək və mənim üçün yer boşalacaq.
- Sizi “Elazığspor”un heyətində nə zaman görə bilərik?
- Bu gün hələ ilk məşqimə çıxacağam. Hələ mənə nə zaman şans veriləcəyini bilmirəm. Bircə həftə komanda ilə məşq etsəm, düşünürəm ki, hazır olacağam.
- Yeri gəlmişkən, sizi mart ayında Dubayda Filippin yığmasına qarşı keçiriləcək oyuna çağırıblar?
- Hələlik belə bir təklif almamışam. Ola bilər ki, Azərbaycan çempionatından fərqli, Türkiyə çempionatında tur başqa vaxta keçirilməyəcək və buna görə də legionerlər cəlb edilməyəcək.
