Rafael: Hələ məlum deyil ki, braziliyalılarsız Azərbaycan yığması AÇ-yə çıxa bilərdimi
Futzal millimizin oyunçusu Rafael azerisport.az saytına açıqlamasında AÇ-də İtaliya yığmasına məğlubiyyət (0:7) haqda danışıb.
- İtaliya yığmasına məğlubiyyət haqda nə deyə bilərsiniz?
- Belə ağır məğlubiyyəti isti izlərlə tədqiq etmək çətindir. Joze ALesio bizə meydançada necə fəaliyyət göstərməyi nə qədər desə də, onun ümidlərini doğrulda bilmədik.
- Nə üçün?
- Biz ilk dəqiqələrdə iki səhv etdik və iki qol buraxdıq. Bu iki qol bizim oyun və yarış cədvəlinə nəzarət müvazinətimizi pozdu.
- Bəlkə rəqibin oyunçularının səviyyəsinin üstünlüyü ilə əlaqədar belə oldu?
- İtaliya yığmasının səviyyəsi şübhə doğurmur, ancaq biz AÇ-yə belə bir nəticə üçün gəlməmişdik. Biz belə hesabla məğlub olmağı təxmin etmirdik.
- Hər halda, yığma özünün AÇ final mərhələləri tarixində ən böyükhesablı məğlubiyyətini aldı. Azarkeşlər sosial şəbəkələrdə komandanı çox tənqid edirlər. Tənqidləri cavablandırmaq istərdiniz?
- Deməzdim ki, bütünlüklə tənqidə layiqik. Ancaq günahımız var. Bu dəhşətli oyunu unutmaq lazımdır. Ola bilər ki, biz azarkeşlər qarşısında günahımızı tezliklə, apreldə Bakıda keçiriləcək UEFA Kubokunun Dördlər finalında yuyaq.
- “Araz” yığma üçün baza komandasıdır. Dördlər finalında Sloveniya kimi rəqibin olmadığı bir yarışda komanda nəyə nail ola bilər?
- Hələ hazırlığa vaxtımız var. Bəli, “Barselona”, “Dinamo”, “Kayrat” güclü komandalardır. Ancaq “Araz”ın da öz adı var.
- Azərbaycan yığmasını milliləşdirilmiş braziliyalıların çoxluğuna görə tənqid edirlər. Sizcə, onlar yığmada çoxdur?
- Bu mənə aid sual deyil. Məşqçi dəvət edir və oynadır. Ancaq düşünürəm ki, Azərbaycanda yaxşı yerli oyunçular az deyil. Ancaq yığmada braziliyalı futzalçıların təcrübəsi gərəkdir. Axı braziliyalılar yalnız Azərbaycan yığmasında oynamır.
- Qeyd etdiniz ki, ölkəmizdə kifayət qədər yaxşı yerli oyunçular var. Sizcə, onlar komandanı AÇ-nin final mərhələsinə daşıya bilərlər?
- Yaxşı sualdır. Hələ məlum deyil ki, braziliyalılarsız Azərbaycan yığması AÇ-yə çıxa bilərdimi.
