Kalonas bu gün Simurqla müqavilə imzalayacaq

Bakı"nın futbolçusu Mindauqas Kalonas karyerasını "Simurq"da davam etdirəcək. Azerisport.az saytına açıqlamasında futbolçu "Bakı"dan ayrıldığını təsdiqləyib:

"Bir neçə variant var idi. Mən "Simurq"u seçdim. İcarə əsasında mövsümün sonuna qədər çıxış edəcəyəm. Artıq klublar arasında razılaşma var. Rəsmi müqaviləyə axşam saatlarında imza atacağam".

Qeyd edək ki, "Simurq"la yanaşı "Rəvan" da Kalonasla maraqlanıb. Futbolçu sərfəli şərtlərə görə Zaqatala təmsilçisini seçib.