Bakıya əlcəzairli yarımmüdafiəçinin transferinə razılıq verildi

Əlcəzairin “Əl Xarraş” klubunun baş məşqçisi Bualem Şaref komandasının yarımmüdafiəçisi Həmzə Ait Uamara “Bakı”ya transferi üçün razılıq verib. Azerisport.az Əlcəzair KİV-nə istinadən xəbər verir ki, futbolçu “Bakı” ilə bu şənbə, komandasının çempionatda keçirdiyi oyundan sonra, transfer pəncərəsinin bağlanacağı ərəfədə müqaviləyə imza atacaq.

Bununla belə, “Əl Xarraş” klubunun keçmiş prezidenti Mohammed Laib futbolçunun komandasını tərk etməsinin əleyhinədir. Onun sözlərinə görə, azarkeşlər bu transferdən narazı qalacaqlar. Ancaq klubun hazırkı prezidenti Cəfər Buslimani bildirib ki, məşqçinin işlərinə müdaxilə etməyəcək və tamilə ona etibar edir.

Transfer şərtlərinə görə, keçmiş klubu futbolçuya pul borcunu ödəməyəcək. “Bakı” isə məzuniyyət xərclərini çəkməlidir.