Roberto Meniçelli: Mütləq Azərbaycan yığmasını məğlub etməliyik

Futzal üzrə İtaliya yığmasının baş məşqçisi Roberto Meniçelli AÇ-də “C” qrupunun ilk oyununda Sloveniya yığmasına məğlubiyyəti (2:3) şərh edib. Azerisport.az xəbər verir ki, Meniçelli bunları söyləyib:

“Birinci hissədə komanda pis görünürdü. İkinci hissədə yaxşı oynamağa başladıq və hesabı bərabərləşdirdik. Ancaq hakimin bəzi qərarları ümumi hesabda əksini tapdı. Bu, bizim xeyrimizə olmadı. İndi biz Azərbaycan yığmasını məğlub etməliyik. Əminəm ki, gələcək rəqibimiz də əks-hücumlara bel bağlayacaq. Azərbaycan yığması güclü komandadır. Çoxlu yaxşı oyunçuları var. Bizə asan olmayacaq”.

Xatırladaq ki, millimiz İtaliya yığması ilə fevralın 2-də qarşılaşacaq və qrup mərhələsinə yekun vuracaq.