Buranello: Azərbaycan yığması üçün AÇ-də asan olmayacaq
Futzal millimizin qapıçısı Buranello azerisport.az saytına müsahibəsində qarşıdakı AÇ-dən danışıb:
- Komanda yarışa hazırdır?
- Düşünürəm ki, tamamilə hazırıq. Taktiki, texniki və psixoloji planda da. Bütün diqqətimiz yarış nöqteyi-nəzərindən ilk növbədə qrup mərhələsinə yönəlib.
- Ötən təsnifatda bizim qapıçı mövqeyində problemimiz vardı. Bu, Azərbaycan yığmasının heyətində sizin üçün ilk AÇ-dir. Bizim qapılar etibarlı əllərdədir?
- Mən və Elnur Zamanov yarışa hazırıq. Bizə etibar edə bilərsiniz. Nəticəyə görə cavab verməyə hazırıq. Qapıçı özünəinamlı olanda, bu meydan oyunçularına kömək edir. Bunu komandanın oyunu haqda da deyə bilərəm. Onlar yaxşı oynasa, mən də sakit olaram.
- Qarşıda İspaniya və Portuqaliyaya qarşı yoxlama oyunlarında əldə etdiyi nəticələrlə azca qorxu yaradan Sloveniya yığmasına qarşı oyun var.
- Bu, bizi qorxutmur. Hər halda, bizim qrupdan çıxmaq çətin olacaq. Əvvəlcə Sloveniya yığmasını məğlub etmək, sonra isə İtaliya yığmasına qarşı oynamaq lazımdır.
- Bu AÇ-də nəyə nail ola bilərik?
- Asan olmayacaq. Yalnız hər oyunda mütləq səy nəyəsə nail olmağa imkan verəcək. Bu, ilk tapşırıqdır. Sonra isə görəcəyik, kiminlə necə oynamaq alınacaq.
