TPL dünya reytinqində mövqeyini yüksəltdi

Beynəlxalq futbol tarixi və statistikasının illik reytinqinə əsasən futbol üzrə Topaz Premyer Liqası milli futbol çempionatları arasında 43-cü yerdə qərarlaşıb. Azerisport.az xəbər verir ki, TPL-in 370,5 balı var.

Bu reytinq il ərzində bir dəfə açıqlanır. Ötən il üçün TPL 84-cü yerdə qərarlaşmışdı.

Qeyd edək ki, keçmiş SSRİ çempionatları arasında TPL bu göstərici ilə dördüncüdür. Milli çempionatımız Rusiya (8-ci pillə, 739,5 bal), Ukrayna (14, 682 bal), Moldova (41, 380 bal) çempionatlarından geri qalır.

Birincilik İspaniya La Liqasına məxsusdur: 1155 bal. İkinci yerdə İngiltərə Premyer-liqası (1128 bal), üçüncü pillədə isə Almaniya Bundesliqası (1056 bal) qərar tutub.