Xəzər Lənkəran Tyeqo de Jesusla müqavilə imzaladı
"Xəzər Lənkəran" futbol klubu braziliyalı müdafiəçi Uilliam Tyeqo de Jesusla münasibətləri rəsmiləşdirib. Azerisport.az xəbər verir ki, karyerasına "Sergipe" klubunda başlayan Tyeqo, 2007-ci ildə məşhur "Qremio"nun heyətinə cəlb olunub.
"Qremio" ilə Braziliya “A” seriyası və Libertadores kubokunda çıxış etmiş futbolçu bu klubda olduğu müddət ərzində 50-dən çox oyunda forma geyib.
Bir mövsüm Yaponiyanın "Kyoto Sanqa" klubunda forma geydikdən sonra, müdafiəçi ölkəsinin "Bahia" və "Seara" klublarında oynayıb.
2013-cü ilin əvvəlində isə Tyeqo "Fiqeyrense" ilə anlaşıb. Bu komandanın aparıcı üzvünə çevrilən 27 yaşlı arxa xətt oyunçusu təqvim ili ərzində 40-dan çox oyunda əvəz olunmadan meydanda olub.
"Xəzər Lənkəran"la Tyeqo de Jesus arasında növbəti mövsümün sonuna qədər qüvvədə olacaq müqavilə imzalanıb.
(Klub saytı)
