26 yanvar 2014 12:30
"Məni Qəbələdə güclü rəqabət gözləyir"
Antalyada mövsümün ikinci yarısının hazırlıqlarını davam etdirən "Qəbələ" sıralarını daha bir futbolçu ilə gücləndirib. Azerispor.az xəbər verir ki, Tacikistan yığmasının üzvü Davronjon Erqaşev mövsümün sonunadək "qırmızı-qaralar"ın şərəfini qoruyacaq.
Erqaşev karyerası boyunca "Reqar-TadAZ", "İstiqlal" (hər ikisi Tacikistan) və "Jetisu" (Qazaxıstan) klublarının formasını geyinib. Hazırda yeni komandasının düşərgəsində məşqlərdə yer alan müdafiəçi "Qəbələ" ilə bağlı təəssüratlarını klub saytı ilə bölüşüb:
"Qəbələ" kimi iddialı kluba keçdiyim üçün çox sevincliyəm. Yaxşı kollektivimiz var. Qısa müddətdə yeni komandama uyğunlaşdım. Hamı ilə gözəl münasibətim var. "Qəbələ"nin hədəflərindən xəbərdaram. Məni qarşıda güclü rəqabət gözləyir. Özümə, bacarığıma güvənirəm. Düşünürəm ki, bacarığımı ortaya qoyub heyətdə möhkəmlənə bilərəm".
