Vaqif Cavadov: Penaltini sol küncə vurmaq istəyirdim
"İnter"in kapitanı Vaqif Cavadov azerisport.az saytına açıqlamasında son yoxlama görüşü və qaçırılan penalti zərbəsi ilə bağlı danışıb:
"Fikrimcə Braziliya təmsilçisi "Uniao" klubu ilə görüş çox xeyirli oldu. Əvvəlcədən bu oyunun baş tutması planda yox idi. Son anda məlum oldu. Rəqib sona qədər mübarizə apardı və təslim olmadı. Komandamız müəyyən mənada artıq çempionata hazırdır. 75% demək olar hazırıq. Öz oyunuma gəldikdə, zədədən sonra ikinci oyunum oldu. Hər ikisində bir hissə oynadım. Sevinirəm ki, artıq ayağımda ağrılar yoxdur. Meydanda rahat hərəkət edirəm. Sadəcə formamı bərpa etməliyəm. Çempionatın oyunlarına hələ vaxt var. Ona görə inanıram hazır olacağam. Penalti epizoduna gəlincə əvvəlcədən sol küncə vurmaq fikrim var idi. Sonradan qərarımı dəyişdim və belə alındı. İnşallah çempionatda zərbəm dəqiq olar. Əsas odur ki, "İnter" qələbə qazandı. Bu gün 3-1 hesabı layiqli oldu".
