İnter fransız futbolçu ilə bağlı son qərarı sabah verəcək

"İnter" baxışda olan fransız müdafiəçi Yohan Bokaqnio ilə bağlı son qərarını sabah açıqlayacaq. Azerisport.az xəbər verir ki, bu gün Braziliya 3-cü liqa təmsilçisi "Uniao" klubuna qarşı 45 dəqiqə oynayan legioner özünü yaxşı tərəfdən göstərib.

Amma futbolçunun artıq çəkidən əziyyət çəkdiyi hiss olunur. Sabah futbolçu son yoxlama matçında iştirak edəcək və bundan sonra komandada qalıb-qalmayacağı məlum olacaq. Eyni zamanda əcnəbi forvardla danışıqlar davam edir. Həmin futbolçu transferə razılaşacağı təqdirdə gələn həftə Bakıya birbaşa müqavilə imzalamağa gələcək.

"İnter"in son oyununu Almaniyanın ikinci Bundesliqasında yarışan "Arminiya" klubuna qarşı keçirəcək.