Ruslan Abışov: Ola bilər ki, məni icarəyə versinlər

Millinin müdafiəçisi Ruslan Abışov azerisport.az saytına açıqlamasında özünün “Rubin”dəki taleyi ilə bağlı şərh verib:

“İndiyə qədər toplanış çərçivəsində iki oyunda oynamışam: Bolqarıstanın “Ludoqorets” (1:1) və Türkiyənin “Erciyesspor” (2:0) klublarına qarşı. Yeni baş məşqçi Rinat Bilyaletdinovla özümün klubdakı gələcəyimə dair söhbət aparmamışam. Ancaq mən oynamağı çox istərdim. “Rubin”də hər şeyin hansı axarda olacağını bilmirəm. Ola bilər ki, məni digər Rusiya klubuna icarəyə versinlər. Necə olmasından asılı olmayaraq, mən əsas heyətdə oynamaq istəyirəm”.