Rəcəb Fərəczadə: Biz serblərdən səviyyəcə üstün idik

Futzal üzrə milli komandamızın oyunçusu Rəcəb Fərəczadə azerisport.az saytına açıqlamasında Serbiya millisinə qarşı Belqradda keçirilmiş yoxlama oyunları (4:1, 3:0) haqda fikrini bildirib:

“Serblərlə qarşı oyunları uğurlu keçirdik. Yaxşı hazırlıq idi. Yeri gəlmişkən, son vaxtlar məşqlərimiz çox olub. Gündə dörd saat məşq edirik. Məşqçimiz ilk oyundan narazı qalmışdı. Müdafiədə olduğu kimi, hücumda da taktiki səhvlər vardı. İkinci oyunda isə artıq yaxşı görünürdük. Serblərin komandası gəncdir. Meydanın hər qarışı uğrunda mübarizə aparırdılar. Ancaq biz səviyyəcə üstün idik və öz qollarımızı vurduq”.