Syomin komandasını Volqaya qarşı oyuna itkilərlə çıxaracaq

“Qəbələ”nin Antalya toplanışı davam edir. Azerisport.az klub saytına istinadən xəbər verir ki, bu ərəfədə Yuri Syomin itkilərlə üzləşib.

Belə ki, Daniel Subotiç, Lorenso Ebesilio və Omar Kalabane dünənki məşqlərdə zədə səbəbi ilə iştirak etməyib. Elvin Camalov və Urfan Abbasov isə Antalyada toplanışda olan Azərbaycan gənclər yığmasına qoşulub. Bundan başqa, Sadiq Quliyev və Rail Məlikov ümumi qrupdan ayrı məşq ediblər. Bütün itkilərə rəğmən, yarımmüdafiəçi Amit Quluzadə komandanın sıralarına dönüb.

Xatırladaq ki, “radarlar” bu gün növbəti yoxlama oyunu çərçivəsində Rusiyanın “Volqa” komandası ilə qarşılaşacaq.