22 yanvar 2014 11:44
Ulrix Kapolonqo: Mən Qarabağda özümü xoşbəxt hesab etmirəm
“Qarabağ”ın hücumçusu Ulrix Kapolonqo azerisport.az müxbiri ilə söhbətləşib.
“Toplanışımız yaxşı keçir. Heç bir problem yoxdur. Uzun müddətdir ki, biz bir yerdəyik”, deyə Kapolonqo sözə başlayıb.
“Mənim üç qol vəziyyətim vardı, ancaq mən onları reallaşdıra bilmədim”, deyə hücumçu Buxarest “Dinamo”suna qarşı oyunu xatırlayıb. Mən hüvumçuyam və qol vurmalıyam. Bu, mənim işimdir. “Dinamo” ilə oyundan sonra mən bu barədə düşünürdüm və təhlil edirdim ki, niyə qol vurmaq alınmır. Növbəti oyunlarda belə vəziyyətləri qiymətləndirəcəyəm”, deyə konqolu futbolçu əmin edib.
“Atçılar”ın 24 yaşı hücumçusu ağdamlıların düşərgəsində olmasına şərh verib: “Artıq altı aydır ki, “Qarabağ”dayam və cəmi iki qol vurmuşam. Bu, elə də yaxşı deyil. Özümü xoşbəxt hesab etmirəm. Bəzən özümə sula verirəm: Problemim nədədir? Mən inanıram və ümid edirəm ki, çempionatın ikinci yarısında siz tam başqa Kapolonqonu görəcəksiniz”.
Bununla belə, futbolçu TPL mövsümünün ikinci yarısının ilk oyunlarından zədəli Geleşvilini əvəzləyəcəyinə şübhə edir: “Hamı deyir ki, Nikonun (Nikoloz Gelaşvili - red.) zədələnməsi mənim üçün bir şansdır. Ancaq unutmayaq ki, məşqçi bəzən Reynaldonu təmiz hücumçu mövqeyində oynadır. Mən məşqçidən qarşıdakı çempionat oyunlarında məni meydana buraxmasını xahiş edə bilərəm və əgər o, mənə belə bir imkan versə, mən özümü meydanda göstərəcəyəm. Ancaq əgər biz komanda oyunu haqda danışırıqsa, onda burada “Qarabağ”ın nəticələri əsasdır. Hücumda kimin oynamasının əhəmiyyəti yoxdur: Niko, Reynaldo və ya mən”, deyə Kapolonqo fikrini tamamlayıb.
