Toni Doblas: Əvvəldən XL-də mənə başqa şərtlərdən dəm vururdular

İspaniyalı qapıçı Toni Doblas özünün Azərbaycanda “Xəzər Lənkəran”ın heyətində uğursuz çıxışından danışıb. Azerisport.az xəbər verir ki, Doblas İspaniya KİV-nə bunları söyləyib:

“Əvvəldən XL-də mənə başqa şərtlərdən danışırdılar. Məsələn, mənim Bakıda yaşayacağım ehtimal edilirdi. Ancaq sonradan məlum oldu ki, komanda bazası Bakıdan dörd saatlıq məsafədə yerləşir. Demək olar ki, İranla sərhəddə. Bunlara rəğmən mən komandanın pis nəticələr göstərdiyi ana qədər səbir etdim. Sonra isə mən “Xəzər Lənkəran”la vidalaşıb İspaniyaya qayıtmağı üstün tutdum”.

Qeyd edək ki, hazırda cənubluların sabiq qapıçısı klubsuzdur.