Simurq Tanzaniya çempionatının lideri ilə qarşılaşacaq

Xəbər verdiyimiz kimi, "Simurq" Antalya toplanışı çərçivəsində bu gün növbəti yoldaşlıq görüşünə çıxmalı idi. Azerisport.az xəbər verir ki, Zaqatala klubu Rumıniya "Vasluy"u ilə qarşılaşacaqdı.

Ancaq oyunun başlamasına az bir vaxt qalmış qarşı tərəf Zaqatala təmsilçisi ilə qarşılaşmaqdan imtina etdiyini bildirib. Səbəb kimi isə baş məşqçilərinin yetirmələrinin ağır görüşə çıxarmaq istəməməsi qeyd edilib. Bu üzdən məcburən təlim-məşq proqramında dəyişiklik edib. "Simurq" sabah növbəti yoldaşlıq görüşünə çıxacaq. Rəqib isə hazırda Tanzaniya çempionatının lideri "Young Africans" klubu olacaq. Oyun Bakı vaxtı ilə 16:00-da start götürəcək.