Holland qapıçı: Azərbaycandan çox yaxşı təklif olsa, baxışdan keçirməyə hazıram

Niderlandın “Kambyura” komandasının qapıçısı Rodni Ubbergen bildirib ki, “Valveyk”ə transferi iflasa uğrayacağı təqdirdə Azərbaycan çempionatına keçə bilər. Azerisport.az xəbər verir ki, 28 yaşlı Ubbergen Niderland KİV-nə bunları söyləyib:

“Düşünürəm ki, bu, mənim Hollandiyada yüksək səviyyədə oynamağım üçün son şansdır. Azərbaycan klubuna mümkün keçidə gəlincə (məhz hansı klubu olduğu açıqlanmır), mən nə vaxtsa o regionda olmuşam və mənə o qədər də xoş gəlməyib. Xarici dillərdən orada ancaq ingiliscə danışırlar və oyunçuların yerləşməsi də çox pis idi. Ancaq burada heç nə alınmasa, mən Azərbaycandan gələn təklifləri baxışdan keçirməyə hazır olacağam. Ancaq bir şərtlə ki, təkliflər çox yaxşı olsun”.