Cihan Özkara: Başla oynamaq üçün Ronaldonu itələmək lazım gəlirdi

Millimizin hücumçusu Cihan Özkara Almaniya KİV-nə müsahibəsində 2013-cü ilin ən yaxşı futbolçusu haqdakı fikri barədə danışıb, Berti Foqtsun keyfiyyətlərini qiymətləndirib və Portuqaliyaya qarşı oyunu xatırlayıb. Azerisport.az Özkaranın müsahibəsinin diqqətinizə çatdırır.

- Bu yaxınlarda Kriştianu Ronaldu 2013-cü il üçün “Qızıl top”u aldı. Bildiyiniz kimi, Azərbaycan yığmasının baş məşqçisi Berti Foqts Portuqaliyalıya səs vermişdi. Yığmanın kapitanı Rəşad Sadıqov isə Frank Riberiyə. Siz kimi seçərdiniz?

- Ronaldu və Riberi iki fərqli oyunçudur. Ancaq bu dəfə Ronaldo bu ada daha layiq idi. Bu halda, mən Berti Foqtsla onun seçimində həmrəyəm.

- Nə vaxtasa, Foqts özü dünya futbolunun “ulduzu” olub. Bəs məşqçi kimi o, necədir?

- O nəinki yaxşı məşqçi, həm də gözəl insandır. Mən onunla bir komandada işləməkdən şad və qürurluyam. Buna görə də Azərbaycan yığmasında işləməyinə davam dəcəyini eşidəndə, sevindim.

- Milli komandada oynayarkən, Ronalduya qarşı durmaq müyəssər olub.

Təsmifat mərhələsində Portuqaliya yığmasına qarşı səfər oyununda mən bir qədər həyəcanlı idim. Axı onunla bir meydanda oynayırdım. Ancaq start fitindən sonra diqqətim oyunumuza cəmlənmişdi.

- Portuqaliyalıya qarşı şəxsən mübarizə aparmaq sizə nəsib olub?

- Özü də necə! Standart vəziyyətlər zamanı Ronaldunu “bağlamaq” tapşırığım vardı. Bu anlarda düzgün vəziyyət seçmək lazım idi. Başla oynamaq üçün Ronaldonu itələmək lazım gəlirdi. Belə itələşmə oyunun bir hissədir. Yoxsa onu dayandıra bilməzsən. Sən onun oyununu əzbər öyrənə bilərsən. Hər bir oyunçu onun nə edəcəyini bilir. Ancaq meydanda o, öz fəndlərini işə sala bilər və səndən elə qaçar ki, heç nə edə bilməzsən. Onda biz 0:3 məğlub olduq. Ancaq Ronaldu qol vura bilmədi. Bu tapşırıq yerinə yetirilmişdi.