Qurban Qurbanov: Almeyda gecikdiyinə görə cəzalanmayacaq

“Qarabağ”ın baş məşqçisi Qurban Qurbanov azerisport.az saytına açıqlamasında komandanın braziliyalı legioneri Riçard Almeydanın yoxluğunu şərh edib:

“Əlbəttə, gecikməyi onun hazırlığına təsirsiz ötüşməyəcək. İndi biz oyunçulardan istədiyimizi alırıq. Ancaq Almeydanın müəyyən problemləri olacaq. Həm də, onu psixoloji baxımdan hazırlamaq lazım gələcək. Onun ailə problemləri vardı. Onun gəlişi yanvarın 11-də gözlənilirdi. Sonra Almeydanın dönüşü daha iki gün təxirə salındı. Bu gün gəlməlidir. Almeydanı cəzalandırmayacağıq. Axı o, gecikməyə görə icazə alıb. Onun problemləri hələ çempionatın ilk yarısının son turları zamanı başlamışdı. Ümid edirəm ki, o, bütün bunları həll edib gələcək”.