Qarabağ Antalyada təlim məşq-toplanışını davam etdirir
“Qarabağ” Antalyada təlim məşq-toplanışını davam etdirir. Azerisport.az xəbər verir ki, hazırlığın cari günündə tək çalışma olub.
“Qarabağ” ənənəvi olaraq səhər məşqinə yerli vaxtla 11:00-da yollanıb. Məşq 1 saat 40 dəqiqə davam edib. Öncə yüngül qaçış, ardınca isə komanda üç qrupda “kvadrat” oynayıb. Ardınca isə fiziki hazırlıq üzərində qurulmuş təmrinlər yerinə yetirilib. Məşqinin sonuncu bölümündə isə toplu çalışmalar baş tutub. Dar ərazidə futbol oynadıqdan sonra 10 dəqiqəlik qaçışla məşq başa çatıb.
Qeyd edək ki, məşqdə Rəşad Sadıqov və Jumbinyo fizioterapevt nəzarətində çalışıb . Digər braziliyalı Reynaldo da komandadan ayrı məşq etdi. Ancaq Reynaldonun zədə ilə bağlı problemi yoxdur. Baş məşqçi Qurban Qurbanovun icazəsi ilə ölkəsindən iki gün gec dönən forvard sabahdan kollektiv çalışmalarda iştirak edəcək.
Sabaha “Qarabağ”ın iki məşqi nəzərdə tutulub.
(Klub saytı)
