13 yanvar 2014 10:55
Berti Foqts Simurqun baş məşqçisi ilə görüşdü
Xəbər verdiyimiz kimi, Azərbaycan milli komandasının baş məşqçisi Berti Foqts və onun köməkçisi Volfqanq Rollf Türkiyənin Antalya şəhərində təlim-məşq toplanışında olan Topaz Premyer Liqası klublarının məşqlərini və yoxlama oyunlarını izləyir, baş məşqçilərlə görüşlər keçirir. Azerisport.az xəbər verir ki, almaniyalı mütəxəssislər bu dəfə “Simurq”un baş məşqçisi Georgi Çixradze ilə görüşüb, həmçinin komandanın məşqini izləyib.
Qeyd edək ki, millinin baş məşqçisi bundan əvvəl "Qarabağ", "İnter" və "Xəzər Lənkəran"ın oyunlarını və məşqlərini izləyib, komandaların baş məşqçiləri ilə görüşərək fikir mübadiləsi aparıb.
