Daniel Subotiç: Neftçi bu mövsüm çempionluğu görməyəcək

“Qəbələ”nin hücumçusu Daniel Subotiç azerisport.az saytına müsahibəsində TPL mövsümünü birinci yarısı, mövsümün ikinci hissəsinə ümidləri və öz müqaviləsi haqda danışıb.

- Mövsümün ilk yarısını komandanız üçün necə qiymətləndirirsiniz?

- İstər oyun, istərsə də nəticə baxımından, əsasən müsbət qiymətləndiririəm. Bizim üçün mövsümü ən azından liderlər üçlüyündə tamamlamaq vacibdir. Üç yerdən hansında olacağımızı isə vaxt göstərəcək. Fərdi baxımdan bizim futbolçular Azərbaycanda ən yaxşıdır. Yalnız ümumkomanda oyununu nizama salmaq qalır.

- Adlara gəlincə, “Qarabağ” sizdən heç də geri qalmır.

- Ağdamlılar komanda oyunu baxımından güclüdür. Fərdi baxımdan isə biz güclüyük. Bizim heyətimizdə oyunu müqəddəratını bir toxunuş ilə həll edə biləcək oyunçular var.

- Bəs sizi bu oyunçulardan ən yaxşısı adlandırmaq olar? Axı həlledici zərbələri tez-tez siz vururdunuz.

- Belə oyunlar olub. Ancaq bunu nəinki mən edə bilirəm, bizim Ebesilio, Leonardo, Dodomuz var.

- “İnter”in qapısına vurulmuş qolu (1:0) bu mövsümdə sizin ən yaxşı qolunuz adlandırmaq olar?

- Bəli. Belə bir güclü rəqibə belə bir qol vurmaq çox xoşdur. Belə oyunlar ildə bir dəfə olur. Həmişə belə bəxt gətirmir (gülümsəyir).

-Mövsümün ikinci yarısına ehtimal sürə bilərsiniz?

- Bilərəm. Hesab edirəm ki, “Qarabağ” ya “Qəbələ” çempion olacaq. Ancaq kimin çempion olacağından asılı olmayaraq, mübarizə asan olmayacaq.

- Bəs hazırkı ölkə çempionu “Neftçi”?

- Bu, yaxı komandadır. Ancaq onlar çempionluğu görməyəcək. Ən yaxşılar “Qəbələ” və “Qarabağ”dır.

- “Radarlar”la bir illik müqavilə imzalamışsınız və yarım ildən sonra razılaşma sona yetir. Sonra nə olacaq?

- Əgər avrokuboklara düşsək, məb vurda qalmaq istərdim. Bura ürəyimcədir.

- Bəs maliyyə cəhətdən daha yaxşı təklif gəlsə?

- Mənim hazırkı komandam maliyyə baxımından çox güclüdür. “Qəbələ” həmişə əməkhaqqını artıra bilər (gülümsəyir). Mən burada qalmaq istəyirəm. Müqaviləni isə həmişə nəzərdən keçirmək olar.

- Yerli şəraitə uyğunlaşmaq sizə çətin deyil ki?

- Əlbəttə, bütün günü oteldə oturub məşqləri gözləmək, heç də ən yaxşı vaxt keçirmək üsulu deyil. Ancaq əgər peşəkar nöqteyi-nəzərdən yanaşsaq, onda burada gözəl şərait, əla meydanlar var. Mən üç il İngiltərədə oynamışam, ancaq belə şeyi heç orada da görməmişəm. Premyer-liqada elə oyunçular var ki, diskoteka və ticarət mərkəzlərinin yoxluğu onlar üçün böyük problemdir. Yəqin buna görə də onların komandası yarış cədvəlində bizdən aşağıda qərarlaşıb.