Berti Foqts Neftçini də unutmadı

“Neftçi” PFK hazırlıqlarını Antalyada davam etdirir. Azerisport.az xəbər verir ki, komandanın bu gün baş tutmuş səhər məşqini Azərbaycan millisinin baş məşqçisi Berti Foqts da izləyib.

Məşqdən sonra klub rəhbərliyi ilə almaniyalı mütəxəssis arasında görüş keçirilib. Görüşdə Berti Foqts “Neftçi” PFK-nın yerli futbolçularla bağlı strategiyasını alqışladığını bildirib. Gənc futbolçulara şans verilməsini yüksək qiymətləndirən almaniyalı məşqçi gəncləşdirmə siyasətinin yaxın gələcəkdə milli komanda üçün də çox faydalı olacağını qeyd edib.

Daha sonra Berti Foqts komandanın baş məşqçisi Böyükağa Hacıyevlə birgə milliyə namizəd futbolçularla bağlı müzakirələr aparıb.

Qeyd edək ki, Berti Foqts “Neftçi” PFK-nın yanvarın 15-də “Partizani” (Albaniya), 18-də isə “Fənərbaxça” (Türkiyə) klubları ilə yoldaşlıq oyunlarını izləyəcək.

(Klub saytı)