13 yanvar 2014 15:25
Qara Qarayev: Qış fasiləsinə çempion kimi yollanmağımız bizə heç nə vermir
"Qarabağ"ın Antalyada təlim-məşq toplanışı davam edir. Azerisport.az xəbər verir ki, artıq hazırlığın 5 gününü geridə buraxan komandadan Qara Qarayev klub saytına hazırlığı dəyərləndirib:
"Təlim-məşq toplanışımız gözlədiyimiz ruhda davam edir. Bütün komanda məşqlərdə var gücüylə çalışır. Sevindirici haldı ki, zədəlimiz yoxdu. Sadəcə Rəşaddı ki, kapitan da artıq fərdi də olsa məşqlərə başlayıb. Bilirik ki, bizi çətin 2-ci yarı gözləyir. Qışa lider kimi yollanmağımız bizə xüsusi heç nə vermir. Düzdü, hələ ki, hər kəsdən çox xal toplamağımız yaxşıdı. Amma, bu da var ki, qışdan sonra daha çətin olacaq. Xususilə, ilk yarıda iddialılarla oyunlarda daha yaxşı oyun sərgiləsək də, digər rəqiblərə qarşı oyunlarda gözlənilməz xal itkiləriylə qarşılaşdıq. İndi rəqiblər bizə qarşı daha yaxşı hazırlaşacaqlar. Ona görə də başa düşürük ki, indiki məqamda çempionata yaxşı hazırlaşmağımız necə vacibdi. Hər kəs bunu yaxşı anlayır. Hər kəs öz işini görür. Hələ 2 həftə buradayıq. Təlim-məşq toplanışından maksimum yararlanmaq istəyirik".
