11 yanvar 2014 00:22
Yuri Syomin Ruslan Abışovun yeni məşqçisini dəstəklədi
“Qəbələ”nin baş məşqçisi Yuri Syomin “Rubin”in yeni baş məşqçisi Rinat Bilyaletdinova dəstək nümayiş etdirib. Azerisport.az xəbər verir ki, Syomin bunları söyləyib:
“Rinat Bilyaletdinov böyük futbol və məşqçilik təcrübəsinə malikdir ki, bu da ona Kazan “Rubin”ində uğurla işləməyə kifayət edər.
İlk öncə, Tatarıstan respublikasının rəhbərliyinin üstünlüyünü qeyd etmək lazımdır ki, idmanın bütün növlərində komandaları yerli mütəxəssislər çalışdırsın və uğur qazansın. Hesab edirəm ki, belə yanaşma özünü doğruldur. Rinat Bilyaletdinova gəlincə isə o, son dərəcə təcrübəli məşqçidir. “Lokomotiv”də çoxsaylı yaxşı gənc oyunçular hazırlayıb. Mən ona yalnız uğurlar və Kazan komandası ilə yaxşı nəticələrə imza atmağı arzu edə bilərəm”.
Syominin sözlərinə görə, Bilyaletdinov işində şəxsi yanaşmanı tətbiq edir: “İlk növbədə, o həmişə oyunçunun şəxsiyyətinə diqqət ayırıb. Hər bir futbolçunun güclü tərəflərini ortaya qoymağı bacarıb”, deyə Syomin qeyd edib.
Həmçinin, Bilyaletdinov məşqin gedişini də gözəl idarə edir. Buna görə də oyunçuların ən yaxşı keyfiyyətlərini üzə çıxara və onların ustalıq səviyyəsini nəzərəçarpacaq dərəcədə artıra bilir. Onun əvvəllər əsas komandalarla işləməməyində qorxulu heç nə yoxdur. “Lokomotiv”də bir müddət baş məşqçinin vəzifələrini icra etdiyini xatırlayıram. Bu səbəbdən həyəcan keçirməyə dəyməz. İstənilən halda Rinatın təcrübəsi bəs edər. Ən azından ona görə ki, o, futbolu gözəl başa düşür”.
(İTAR-TASS)
