11 yanvar 2014 18:44
Mirkamil Həşimli Belarusa qarşı oyunun ən yaxşısıdır
FIFA-nın 1-ci vitse-prezidenti Valentin Qranatkinin xatirəsinə həsr olunmuş sayca 26-cı ənənəvi beynəlxalq turnirdə 1996-97-ci il təvəllüldü futbolçulardan ibarət Azərbaycan yığması bu gün son oyununu keçirib. Azerisport.az xəbər verir ki, yığmamız bu dəfə Belarus ilə qarşılaşıb.
Görüşdə hesabı rəqib komanda açsa da, futbolçularımız bərabərlik qolunu vurmağa imkan tapıblar. Qalib isə penaltilər seriyasında müəyyənləşib. 11 metrlik zərbələri daha dəqiq yerinə yetirən yığmamız 4:2 - ümumi nəticədə 5:3 hesabı ilə qalib gələrək 13-cü yeri tutub.
Matç başa çatdıqdan sonra isə oyunun ən yaxşı futbolçuları mükafatlandırılıb. Millimizdən ən yaxşı adına bu dəfə Mirkamil Həşimli layiq görülüb.
Onu da xatırladaq ki, yığmamızın Yunanıstanla ilk oyununun ən yaxşısı "Bakı"nın üzvü Təyyar Məmmədov, Çexiya ilə görüşün ən yaxşısı isə "Xəzər Lənkəran"lı Elnur Cəfərov olmuşdu. Yaponiyaya 1:4 hesabıyla uduzduğumuz görüşdə, eləcə də sonuncu Latviya ilə matçda isə Bəhlul Musfafazadə ən yaxşı seçilmişdi.
(1).jpg)
