11 yanvar 2014 20:22
Nikolay Adam: Latviya ilə oyunda ən yaxşı oyunçu adını qazanmış futbolçumuz mükafatını qapıçımıza verdi
Futbol üzrə yeniyetmələrdən ibarət Azərbaycan yığmasının baş məşqçisi Nikolay Adam Valentin Qranatkinin xatirə turniri çərçivəsində 13-cü yer uğrunda Belarus millisi üzərində qələbədən (1:1, pen. 4:2) danışıb.
“Məncə, ilk hissə uğursuz idi. Bəxtimiz çox gətirdi ki, komandalar fasiləyə bərabər hesabla çıxdılar ki, biz də ikinci hissəyə hesabı bərabərləşdirmək üçün başlamadıq. İkinci hissə daha yaxşı idi. Baxmayaraq ki hər iki qələbə penaltilər seriyasında əldə edilib bu, bizim üçün yaxşı nəticədir və mən buna çox şadam”, deyə adam sözə başlayıb.
- Bu gün keçirilmiş oyun, yüksək məsuliyyətli yoldaşlıq görüşü səviyyəsində idi. Komandalar yüksək yerlər uğrunda mübarizə aparmırdı. Buna rəğmən, kifayət qədər sərt oyun idi. Belarus yığmasının iki oyunçusu zədə aldı. Altı sarı və iki qırmızı vərəqə göstərildi. Bunlar nə üçün baş verdi?
- 4 nömrəli belorus futbolçuya zədə yetirib sarı vərəqə alaraq meydandan qovulmuş 17 nömrəyə gəlincə, razıyam ki, bəzi anlarda o, çox fəal və həddən artıq top almağa girişirdi. Ancaq mən deyə bilmərəm ki, o, “çirkli” oyunçudur və zədə yetirmək istəyirdi. Sadəcə, bu, futboldur. Mənim əsas məqsədim odur ki, oyunçular futbol oynasın. Sərt oynasalar da, qaydalar çərçivəsində. Bütün qayda pozuntularını isə hakim müəyyən edir.
Sizin mükəmməl qapıçınız var. Həm də bu, əksər həmkarlarımızn fikridir. O, ötən oyunda da penaltilər seriyasında yaxşı oynadı. Bu gün bütün görüşü yaxşı keçirdi. Bir neçə dəfə qapısını mütləq qoldan xilas etdi. Yenidən oyunsonrası penaltilər seriyasında hünərini təkrarladı. Siz bu gün onu Latviya ilə oyundakı xidmətlərinə görə meydana buraxmışdınız yaxud bu, əvvəlcədən planlaşdırılmışdı?
Bəli, bu gün o qapıda ötən görüşdəki oyununa görə dayanmışdı. Ancaq ümumiyyətlə deməliyəm ki, qapı xəttində bizim iki yaxşı qapıçımız var. Birinci və ikinci nömrələr. Bizim əla məşqçi qərargahımız var. Həmçinin, qapıçılar üzrə məşqçimiz. Ötən oyunda da mən özüm tərəfindən seçilmiş ən yaxşı oyunçunu qapıçıya dəyişmədim. Ancaq mükafatlandırma mərasimində ən yaxşı oyunçu seçilmiş futbolçu, mükafatı qapıçıya verdi. Məhz o penaltilər seriyasına görə də bu oyunda əsas oldu. O, buna layiq idi.
(Yarışın da)
