11 yanvar 2014 16:30
"XL ilə müqaviləm yox idi, Qəbələyə azad agent kimi keçdim"
"Qəbələ"nin müdafiəçisi Elnur Allahverdiyevin azerisport.az saytına müsahibəsi
- "Xəzər Lənkəran"a qayıdacağınız gözlənilsə də, "Qəbələ"də qalmalı oldunuz. Niyə məhz bir illik müqavilə?
- Belə qərar verdik. Şübhəsiz ki, bir ildən sonra hər şey qaydasında olsa, müqavilənin müddətini artıra da bilərik. "Xəzər Lənkəran"ın isə məni geri qaytarmağa haqqı çatmırdı. Mənim onlarla heç bir müqaviləm yox idi. "Qəbələ"yə də azad agent statusu ilə keçmişəm. "Xəzər Lənkəran"la əməkdaşlığım hələ avqustun sonunda başa çatmışdı.
- Amma Mustafa Dənizli sizin "Xəzər Lənkəran"da oynamağınızda maraqlı idi...
- Bilirəm. Klubdan mənimlə əlaqə saxlamışdılar. Türkiyəli mütəxəssisin mənimlə maraqlandığını dedilər. Amma mən artıq oraya qayıtmaq haqda düşünmürdüm.
- Niyə?
- Çünki klub rəhbərliyindən incimişdim. Onlar vaxtilə məni dəstəkləmədilər.
- Çünki klub rəhbərliyindən incimişdim. Onlar vaxtilə məni dəstəkləmədilər.
- Sizə görə Con Toşakdan imtina edəcəklərini düşünürdüz?
- Mən dörd il bu klubun şərəfini qorumuşdum. Ən azından anlayış gözləyirdim. Amma onlar tamamilə Toşakın tərəfini tutdular. Fikrimcə, "Qəbələ"də qalmaqla ən doğru addımı atdım.
- Mən dörd il bu klubun şərəfini qorumuşdum. Ən azından anlayış gözləyirdim. Amma onlar tamamilə Toşakın tərəfini tutdular. Fikrimcə, "Qəbələ"də qalmaqla ən doğru addımı atdım.
- Yəqin ki, "Xəzər Lənkəran"dan fərqli, "Qəbələ"nin hazırda çempionluq uğrunda mübarizə aparması da sizin qərarınızda az rol oynamadı...
- Əlbəttə. "Qəbələ"nin yenə mübarizə aparmaq istədiyi hədəfi var. "Xəzər Lənkəran" bu mövsüm nə üçün çalışır? Çətin ki, onlar bu mövsüm Premyer Liqada nəyəsə nail ola bilsinlər.
- Kamran Ağayevin də "Qəbələ"yə keçməsi gündəmdədi...
- Ümid edirəm ki, bu, baş verəcək. Elə qapıçı çempionluq uğrunda bizə çox yardımçı olar. Bildiyimə görə, klubu çox pul tələb edir. Amma yığmamızın qapıçısı olduğunu nəzərə alıb, güzəştə gedəcəklərinə ümidliyəm.
- Onun "Xəzər Lənkəran"da da problemi var idi, indi də "Bakı"dan ayrılır. "Qəbələ"də də eyni problemlərin olmayacağına zəmanət var?
- Deyə bilmərəm. Həqiqətən də fərqli xarakteri var. Amma futbolçu kimi çox güclüdü. Ümid edirəm ki, bura gəlsə, problemi olmayacaq.
- Deyə bilmərəm. Həqiqətən də fərqli xarakteri var. Amma futbolçu kimi çox güclüdü. Ümid edirəm ki, bura gəlsə, problemi olmayacaq.
