9 yanvar 2014 01:33
İnterin 5 rəqibindən 3-ü məlumdu
“İnter” Türkiyə toplanışı çərçivəsində beş yoxlama oyunu keçirməyi planlaşdırır. Azerisport.az xəbər verir ki, komanda artıq bu görüşlərin tarixlərini də müəyyənləşdirib.
Belə ki, “İnter” yanvarın 11, 15, 18, 22 və 25-də meydana çıxacaq. Yanvarın 15-də komanda Almaniyanın “Holşteyn Kil” komandası ilə qarşılaşacaq. Bu klub 1900-cü ildə təsis edilib və Almaniyanın 3-cü liqasında mübarizə aparır. “İnter”in rəqibi 1912-ci ildə ölkə çempionu olması ilə öyünə bilər.
Yanvarın 18-də Kaxaber Tsxadadzenin yetirmələri güclərini Qazaxıstanın “İrtış” (Pavlodar) komandası ilə keçiriləcək matçda sınayacaqlar. Bu klub ötən il Qazaxıstan çempionatını 6-cı yerdə başa vurub.
“İnter”in sonuncu rəqibi Almaniyanın “Arminiya” klubu olacaq. Almaniyanın 2-ci Bundesliqasında çıxış edən bu klub mövsümün birinci hissəsini 16-cı yerdə başa vurub.
Əlavə edək ki, “İnter”in yanvarın 11 və 22-də qarşılaşacağı rəqiblər yaxın günlərdə müəyyənləşəcək.
