8 yanvar 2014 18:18
Qarabağ Yeni İldə ilk məşqinə çıxdı
“Qarabağ” məşqlərə başlayıb. Azerisport.az xəbər verir ki, Antalyada təlim-məşq toplanışının ilk günündə komanda 2014-cü ilin ilk məşqinə çıxıb.
“Qarabağ” məşq üçün məskunlaşdığı “İC Santai” otelinin futbol meydançasına yollananda saatlar yerli vaxtla 11:00-i (Bakı vaxtı ilə 13:00) göstərirdi. Məşqə başlamamışdan öncə baş məşqçi Qurban Qurbanov futbolçularla qısaca söhbət etdi, hazırlıq dönəmində yaxşı çalışmağın vacibliyini vurğuladı. Ardınca təxminən 90 dəqiqə davam edən məşq başladı. Komandamızın texniki heyəti futbolçuları çox da yükləmədi. Daha çox qaçışla və bərpaedici xarakterli məşqdə əməliyyat sonrası bərpa prosesi keçən Rəşad Sadıqov iştirak etmədi. Komandanın 2-ci məşqi yerli vaxtla 17:00-a təyin olunub.
(Klub saytı)
