8 yanvar 2014 16:16
Atsuşi Uçiyama: İntizamlı oynamaq bizim oyun üslubumuzda ən vacib xüsusiyyətdir
Valentin Qranatkinin xatirəsinə həsr olunmuş beynəlxalq turnirdə Yaponiya və Azərbaycan yığmaları arasında bu gün keçirilmiş oyundan (4:1) sonra, Yaponiya komandasının baş məşqçisi Atsuşi Uçiyama oyun barədə fikrini bildirib. Azerisport.az xəbər verir ki, Uçiyama bunları söyləyib:
“Oyuna konsentrasiyamız yüksək olsa da, komandamızın bir sıra problemləri üzə çıxdı. Birinci hissədə daha yaxşı oynadıq. Fasilədən sonra ötürmələrimizin dəqiqliyi ilə yanaşı, düşündüklərimizin icrasının və meydanda hərəkətimizin sürəti aşağı düşdü.
İntizamlı oynamaq bizim oyun üslubumuzda ən vacib xüsusiyyətdir. Komandada nizam-intizamın yüksək səviyyədə olmasına xüsusi diqqət yetiririk.
Nə qədər təəccüblü olsa da, tribunalarda azarkeşlərimiz vardı. Bu, bizim üçün xoş sürpriz oldu. Dəstəklərinə görə azarkeşlərə təşəkkür edirəm”.
(AFFA)
