6 yanvar 2014 19:55
Rəşad Sadıqov: Komanda fədakar oyun göstərdi
Qadınlar arasında voleybol üzrə dünya çempionatının təsnifat mərhələsi çərçivəsində Azərbaycan millisinin Serbiya yığmasına qarşı keçirdiyi oyunu (3:2) izləmiş futbol üzrə Azərbaycan yığmasının kapitanı Rəşad Sadıqov, bu münasibətlə azerisport.az saytının müxbirinə fikirlərini açıqlayıb:
“Həlledici beşinci partiyada komandamız dörd xal geridə olarkən, qələbəmizin mümkünsüzlüyü təsəvvürü vardı. Ancaq ən həlledici anda komandaya fədakar oyun göstərmək və güclü rəqibdən qələbəni qoparmaq müyəssər oldu. Mundiala çıxış böyük uğurdur və mən hamını bu münasibətlə təbrik edirəm”.
