5 yanvar 2014 11:33
Böyükağa Hacıyev: Minasyan Rubinə gəlsə, Abışov Kazanda qalmamalıdı
"Neftçi"nin prezidenti Sadıq Sadıqovun müşaviri Böyükağa Hacıyev erməni məşqçi Vardan Minasyanın Rusiyanın "Rubin" klubuna baş məşqçi təyin oluna biləcəyinə münasibət bildirib. Azerisport.az saytının məlumatına görə Hacıyev bu halda millinin futbolçusu Ruslan Abışovun klubu tərk etməli olacağını söyləyib:
"Ruslan yaxşı futbolçu olmaqla yanaşı, həm də yaxşı insandı. İstənilən qərarı qəbul etməkdə sərbəstdi. Sadəcə, mənim fikrimcə, Vardan Minasyan "Rubin"ə baş məşqçi təyin olunsa, istənilən bəhanəylə futbolçumuza problem yaradacaq. Bizlərdə belə məsəl var - ilanın ağına da lənət, qarasına da. Abışov gözləməli deyil ki, Minasyan onu klubdan uzaqlaşdırsın. Azərbaycanlı futbolçu erməni məşqçinin əlinin altında çıxış etməli deyil. Ruslan "Rubin"i tərk edərək başqa kluba keçməlidi. Lazım olarsa, Azərbaycana qayıtmalıdı. Amma o klubda ona yaxşı olmayacaq. Minasyan gəldiyi gün Abışov oranı tərk etməlidi. Mən inanmıram ki, Minasyan onun karyerasını davam etdirməsinə şərait yaratsın".
