4 yanvar 2014 13:53
Güvenç Kurtar: Rəvan məni TRT 3 kanalında görüb bəyənib
"Rəvan"da Şahin Diniyevi əvəzləyəcək Güvenç Kurtar Türkiyə mətbuatına qısa müsahibə verib. Azerisport.az sizi həmin müsahibə ilə tanış edir.
- Təbrik edirik. Mustafa Dənizli ilə ilə eyni ölkdə, Azərbaycanda çalışacaqsız. "Rəvan"la ilkin anlaşma imzalamısız...
- Sabah (bu gün) yola çıxacam. İlkin danışıqlar aparmışıq. Bir problem olmasa, Azərbaycanda çalışacam. İnşallah, orada uğur qazanıb türk mütəxəssislərin yolunu açacağıq.
- Təklif necə gəldi? Sizi necə tapdılar?
- TRT 3 kanalında "Birə Bir" proqramını izləyiblər. Orada söylədiklərim xoşlarına gəlib. Yəqin ki, dediklərim əks-səda verib. Təəssüf ki, Türkiyədə buna reaksiya verən olmadı.
- Mustafa Dənizli Azərbaycanda çalışır. Bir müddət əvvəl Yılmaz Vuralın adı "Kardiff Siti" ilə anılırdı...
- Demək ki, iştirak etdiyim proqram İngiltərədə izlənsəydi, oradan da təklif gələrdi. Yılmaz Vuraldan bizə fürsət qalır ki (gülür). Zarafat bir yana, Azərbaycanda uğur qazanmaq istəyirəm. Mustafa hoca ilə Türkiyəni ən yaxşı şəkildə təmsil edəcəyik.
