3 yanvar 2014 22:38
Rəvan türkiyəli məşqçi gətirir
"Rəvan" növbəti baş məşqçi dəyişikliyinə hazırlaşır. Azerisport.az xəbər verir ki, Bakı klubu baş məşqçi postuna türkiyəli mütəxəssis Güvenç Kurtarı gətirir.
Bu barədə Türkiyə mətbuatına mütəxəssis özü məlumat verib. Kurtar bildirib ki, "Rəvan"la prinsipial anlaşma əldə ediblər və bazar ertəsi rəsmi müqavilə imzalanacaq: "Azərbaycanın "Rəvan" klubu ilə danışıqlar zamanı prinsipial anlaşma əldə etdik. Sabah Azərbaycana gedirəm və son danışıqlarımız olacaq. Anlaşma əldə olunacağı halda bazar ertəsi müqavilə imzalayacağıq".
Mütəxəssis daha sonra zarafatla "Xəzər Lənkəran"ı çalışdıran Mustafa Dənizliyə rəqib olmağa gedirəm" deyib.
Qeyd edək ki, hazırda "Rəvan"a Şahin Diniyev başçılıq edir. O, 10-cu turda Vladislav Qədirovu əvəzləyib. Qədirov isə 3-cü turda Ramil Əliyevin yerinə keçmişdi.
