2 yanvar 2014 00:56
Əli Gökdəmir üçün yeni baş məşqçi
Almaniyanın "Hannover" klubuna yeni baş məşqçi təyin olunub. Azerisport.az xəbər verir ki, bundan sonra sözügedən komandanı türkiyəli mütəxəssis Tayfun Korkut çalışdıracaq.
Onunla 2016-cı ilin 30 iyununa qədər müddəti əhatə edən müqavilə imzalanıb.
Qeyd edək ki, "Hannover"də futbol üzrə Azərbaycan yığmasının yarımmüdafiəçisi Əli Gökdəmir çıxış edir. Yeni baş məşqçinin gəlişi futbolçumuzun da əsas heyətə düşmək baxımından xeyrinə ola bilər.
Onu da xatırladaq ki, Tayfun vaxtilə Türkiyənin "Fənərbaxça" və "Beşiktaş", eləcə də İspaniyanın "Real Sosyedad" və "Espanyol" klublarında çıxış edib.
