31 dekabr 2013 11:32
Neftçidən Luis Karlos Ruis açıqlaması
"Neftçi" kolumbiyalı hücumçu Luis Karlos Ruisi transfer edəcəklərinə dair xəbərləri təkzib edib. Azerisport.az saytına klubdan daxil olan məlumata görə, onlar bu futbolçunu heyətə cəlb etmək haqda düşünmürlər.
Qeyd edək ki, paytaxt klubunun rəhbərliyi öncədən də bu transfer pəncərəsində legioner futbolçu almayacaqlarını açıqlamışdı. "Neftçi"nin baş məşqçisi Nazim Süleymanov əsasən yerli futbolçulara güvənməyi qərara alıb. Bu üzdən də Türkiyə toplanışına icarə əsasında başqa klublarda çıxış edən, eləcə də aşağı yaş qrupları üzrə komandalarda forma geyən gənclər aparılacaq.
