27 dekabr 2013 11:44
Bakı Azərbaycanın ən istedadlı futbolçularının siyahısını tutur
“Bakı” futbol Akademiyasının baş koordinatoru Yüksel Kepoqlu ilin yekunlarını açıqlayıb. Azerisport.az xəbər verir ki, Kepoqlu bunları söyləyib:
“Bakı”nın “Atletiko” və “Lans”la müqavilələri yeniyetmə azərbaycanlı futbolçulara böyük perspektivlər vəd edir. Hazırda beş futbolçumuz Madriddə uzunmüddətli toplanışdadır. Son aylarda dörd komandamız “Atletiko” və “Lans”ın düşərgəsində toplanışda olub. Yeni ildə də bu istiqamətdə işimizi davam etdirəcəyik. Xaricdə toplanış keçmək istəyi yalnız bizim kluba aid deyil. “Bakı”nın prezidenti Hafiz Məmmədov ölkənin ən istedadlı futbolçularının siyahısını tərtib etmək haqda tapşırıq verib. Onları Fransa və İspaniyaya göndərmək fikrimiz var. Bu, yalnız “Bakı”nın deyil, bütün Azərbaycan futbolunun inkişafına kömək olacaq”.
